Mother Teresa ទទួលយកបេសកកម្មសាសនានៅព្រះវិហារតូចមួយនៅប្រទេសកូសូវ៉ូ
កាលពីថ្ងៃទី ០៤ ខែកញ្ញា កន្លងទៅនេះ ពិភពលោកបានផ្ដោតអារម្មណ៍ទៅលើ Mother Teresa ឬ អ្នកម្ដាយ Teresa ដែលជាស្ត្រីម្នាក់ដែលពិភពលោកបានស្គាល់ថា ជាអ្នកស្រឡាញ់មនុស្សជាតិ និងជាស្ថាបនិករបស់អង្គការសាសនទូតនៃសេចក្ដីសប្បុរស (Missionaries of Charity) ដែលត្រូវបានព្រះវិហារកាតូលិកទទួលស្គាល់ជាផ្លូវការថា ជាមនុស្សបរិសុទ្ធដូចព្រះ។ នៅក្នុងសហគមន៍តូចមួយក្នុងប្រទេសកូសូវ៉ូ ដែលជាកន្លែងដែល Mother Teresa បានរស់នៅកាលពីយុវវ័យ ប្រជាជនបានប្រារព្ធពិធីដ៏សំខាន់មួយ ដើម្បីរំឭកពីតួនាទីរបស់ក្រុមជំនុំរបស់ពួកគេ ក្នុងការលើកទឹកចិត្ត Mother Teresa ដែលកាលនោះជាស្ត្រីវ័យក្មេងម្នាក់ឆ្ពោះទៅកាន់ជីវិតនៃការលះបង់មួយ។ លោក Besim Abazi អ្នកយកព័ត៌មានរបស់ VOA រាយការណ៍អំពីរឿងនេះ។ លោក សឿន វឌ្ឍនា ជូនសេចក្ដីប្រែសម្រួល៕