កម្មវិធីទូរទស្សន៍វីអូអេ «វ៉ាស៊ីនតោនសប្តាហ៍នេះ» ២៥ កញ្ញា ២០១៤
កម្មវិធីក្នុងសប្តាហ៍នេះមានព័ត៌មានអំពី បាតុករមួយសែននាក់ បានទៅតវ៉ានៅទីក្រុងញូយ៉ក មុនពេលដែលមេដឹកនាំពិភពលោកចូលរួមកិច្ចប្រជុំកំពូលអ.ស.ប ស្តីពីការប្រែប្រួលអាកាសធាតុ។ ទីភ្នាក់ងារអវកាសណាសា បានឱ្យក្រុមហ៊ុនBoeing និង SpaceXផលិតយានដឹកអវកាសយានិកអាមេរិកាំងទៅស្ថានីយ៍អវកាសនៅឆ្នាំ២០១៧។ ក្រុមមនុស្សស្រឡាញ់ភេទដូចគ្នានៅប្រទេសស៊ុយអែត ចង់បានសិទ្ធិសេរីភាពដូចអ្នកផងទាំងពួងដែរ។ ក្រុមល្បាតព្រំដែនស.រ.អានិងអាជ្ញាធរមូលដ្ឋានប្រើប្រាស់បច្ចេកវិទ្យាថ្មីប្រឆាំងនឹងការរត់ពន្ធមនុស្សចូលស.រ.អា នៅរដ្ឋអារីហ្សូណា។ ឥឡូវនេះពលរដ្ឋនិងទេសចរនៅរដ្ឋធានីវ៉ាស៊ីនតោនអាចមើលរូបចម្លាក់សត្វដាយណូស័រមិនធម្មតាមួយឈ្មោះ Spinosaurus ការបង្រៀនគ្រាមភាសាអង់គ្លេសបែបអាមេរិកាំង គឺឃ្លា «rock the boat» និងបញ្ចប់ដោយឈុតខ្លះពីភាពយន្តអាមេរិករឿង «The Equalizer»៕