ការចាប់ខ្លួនសហស្ថាបនិកគេហទំព័រខុសច្បាប់រំឭកពីសន្តិសុខកម្រិតទាបលើអ៊ីនធឺណិត
- VOA Khmer
នៅថ្ងៃទី ១០ ខែកញ្ញា ដើមសប្តាហ៍នេះ អាជ្ញាធរកម្ពុជាបានចាប់បញ្ជូនខ្លួនលោក Gottfrid Svartholm Warg សហស្ថាបនិកម្នាក់នៃគេហទំព័រចែកចាយឯកសារខុសច្បាប់ឈ្មោះ The Pirate Bay ទៅកាន់ប្រទេសស៊ុយអ៊ែត ដែលនៅទីនោះលោកនឹងប្រឈមនឹងទោសអំពីការរំលោភលើកម្មសិទ្ធិបញ្ញា។ លោកប៊ុន ថារម្យ អ្នកជំនួយដល់វីអូអេនិងជាអ្នកជំនាញខាងអ៊ីនធឺណិតនិយាយថា ការចាប់ខ្លួននិងបញ្ជូនខ្លួននេះរំឭកដល់អ្នកដទៃអំពីការអាចត្រូវទទួលទោសចំពោះអំពើខុសច្បាប់តាមប្រព័ន្ធអ៊ីនធឺណិត។ ប៉ុន្តែលោកថា ការចូលលួចឯកសារក្នុងគេហទំព័ររដ្ឋាភិបាលដើម្បីជាវិធានការសងសឹក ក៏បង្ហាញពីការលំបាករបស់អាជ្ញាធរដែលតាមចាប់អ្នកជំនាញទាំងនេះ។ នៅក្នុងកម្មវិធី «សំឡេងឌីជីថល» នេះ លោក ថារម្យក៏ពិភាក្សាផងដែរជាមួយលោក សឹង សុផាត នៃវីអូអេ អំពីផលប៉ះពាល់នៃការចាប់ខ្លួននេះដល់អ្នកប្រើប្រាស់អ៊ីនធឺណិតនៅកម្ពុជា៕